ඉතිරියට හුරු වෙමු

ඉතිරි කිරීම යනු ලොභකමවත් මසුරුකමවත් නොවේ. එහි අර්ථය දිවිය මනාව සකස් කර ගැනීමට හුරුවීම යන්නයි. වර්තමානයේ බොහෝදෙනාට ඉතිරි කිරීම පිළිබඳව නිසි අවබෝධයක් නැහැ. අප ඉතිරිකිරීම ආරම්භ කල යුත්තේ නිවසේදිමයි. අතීතයේ ගෘහණිය සකසුරුවම මනසේ හැඩගැසී පුරුදු වී සිටියෝය. අතීතයේ නිවසේ ගෘහණිය ඇතිනම් අම්මා පොඩි මුදලක් සීට්ටු දමා ගෙදරට අවශ්‍ය බඩු බාහිරාදිය ටික ටික අකතු කිරීමට පුරුදු වී සිටියා. නිවසේ ඉතුරුවන බත් නිකරුනේ විසි නොකර ඒවා වෙලා රසවත් අග්ගලා සේදුවා. අටුකොස්, ලුණුදෙහි දැමීමද එවැනි එවැනි ඉතිරිවන දේ වලින් ගත් ප්‍රයෝජනයි. මිට මිට එකතු කරගත් මිටි හාල් මුට්ටිය නිවසේ හාල් හිඟවූ දාට බොහෝ ප්‍රයෝජනවත් වුණා.

මෙලෙස බැලු විට සකසුරුවම පිලිබඳ පළමු පාඩම අපට කියාදෙන්නේ අම්මයි. වර්තමානයේ ඔබ ගෙවන කාර්ය බහුල ජීවිතයත් සමගම ඉතිරි කිරීම ඔබෙන් ගිලිහී යන දෙයක් වෙන්නට පුළුවන්. අරපිරිමැස්ම පුරුද්දක් වශයෙන් කරගෙන යාමට හැඩගැසෙන්නේ නම් එය පහසුවක් වනු ඇත.

ඔබ ඉතිරියට හුරු වන්නේ අනාගත ප්‍රයෝජනය  සඳහායි. අනාගතයේදී සිදුවිය හැකි අර්බුද අවිනිශ්චිතයි. එයට සුදානම් වීමට නම් අප උපයන ධනය ඉතිරි කරගත යුතුමයි. ආගමික ශාස්තෘවරුන් පවා දේශනා කර ඇත්තේ නොපිරිහෙන්නට නම් ශ්‍රමය, ධනය, කාලය ඉතිරි කල යුතු බවයි. සේම මසකම  ඔබ උපයන මුදලින් යම් සෙලකිය යුතු ප්‍රතිශතයක් පුරුද්දක් ලෙස ඉතුරු කිරීමට හැකි වේනම් එය ඔබ ලබන ජයග්‍රහණයකි. එමෙන්ම උපයන ධනය සකසුරුවම් ලෙස වියදම් කිරීමටද ඔබ හුරුවිය යුතුයි. පරිබෝජනයේදී තමන්ගේ ඇඳුම් පැළඳුම් කෑමබීම පිළිබඳවත් නොසිතා අනවශ්‍ය වියදම් වෙනුවෙන් නයවිමෙන් හෝ වියදම් කරයි. එය වෙනස් කොට තම වෙනුවෙන්ද යම් මුදලක් ඉතිරි කිරීමට ඉටාගත යුතුයි.

මුදල් වියදම සඳහා නිසි සැලසුමක් සකස්කර ගන්නේ නම් එය ඵලදායි අරපිරිමසන පිළිවෙලකි. අයවැය ලේඛනයක් සකස් කරගෙන එයට අනුකුලව ඉතුරුකරන්නේ නම් ඔබට ඔබේ ඉතුරුම් ඉලක්ක පවා සපුරාගත හැකිය. එහිදී මුලික පියවර වශයෙන් ඔබේ අවශ්‍යතා හා උවමනා හඳුනාගන්න. ඔබේ අයවැය ලේකනයේ මාසික වියදම් තුලනය කරගැනීමට අඩු වැදගත්කමකින් යුත් වියදම් කපාහැරිය හැකියි. එවිට කිසියම් අවශතාවක් හෝ අවශ්‍යතා ගණනාවක් වෙනුවෙන් මාසිකව ඔබට වියදම් කල හැකි මුදල් ප්‍රමාණය ඔබට ලබාගැනීමට හැකියාව ඇත.

නිවසේ ආර්ථිකය ගොඩනගා ගැනීමට එදිනෙදා වෙළඳපොළට යන වියදම් අවම කරගන්න පුරුදු වෙන්න. ඔබේ ගෙවත්තෙහි එළවලු පලතුරු වගාකර පරිභෝජනය කිරීමට හැකියාව ලබෙනේනම් ඔබට වස විස නැති අහාර ලබාගැනීමට හැකියාව ලැබෙන්නාව මෙන්ම දෙඉනිකව කෑමබීම සඳහා යන වියදමද අවමවේ.

එමෙන්ම නිවසේ අනවශ්‍ය ලෙස නාස්තිවන විදුලිය ජලය පවා අරපිරිමැස්මෙන් භාවිතයට හුරුවීම සකසුරුවමයි. එය ඔබේ මුදල් පසුම්බියට මෙන්ම රටේ ආර්ථිකයටත් සැහැල්ලුවක් වනු ඇත.

 මෙලෙස ඔබ සකසුරුවම් පුරුදු පුහුණු විය යුත්තේ නිවසේදීමය. ජීවිතයේ සියලු කටයුතුවලදී  සකසුරුවම වඩාත් අත්‍යාවශ්‍ය දෙයකි. නිවසේදී පමණක් නොව කාර්යාලයේදී වැඩබිමේදී සකසුරුවම හා අරපිරිමැස්මෙන් කටයුතු කරන්නම් ඔබේ ඉදිරි අනාගතය සරු කර ගැනීමට හැකියාව ලැබෙනවා මෙන්ම එය රටේ අනාගතයකට ශක්තිමත් අඩිතාලමක් වෙයි.

මානසික ආතතියෙන් මිදී නිරෝගිමත් දිවියකට..

නිරෝගිමත් දිවියක් සඳහා කායික මෙන්ම මානසික සුවතවයද අත්‍යවශ්‍ය සාධකයකි. යහපත් මානසික තත්ත්වයක් නොමැති වූ විට ඔබේ ශරීරය ද නිරන්තරයෙන් රෝගී විය හැකියි. යහපත් මානසික සෞඛ්‍ය යනු පුද්ගලයකුගේ හැගීම් හා මානසික ක්‍රියාකාරිත්වය යහපත් මට්ටමක පවත්වා ගැනීම මත ගොදනගේන්නාවූ සංකල්පයකි.
මිනිසාට ඇතිවන මානසික රෝග අතුරින් මානසික ආතතිය සේම පුද්ගලයෙකුටම යම් ප්‍රමාණයකට හෝ පවතින්නකි. මානසික ආතතිය සරලවම දැක්වුවහොත් එය මිනිසාට ඇතිවන ස්වභාවික හැගීමකි. මනසේ ඇතිවන විවිධ චිත්තවේගයන් ඔස්සේ මෙම තත්ත්වය ඇති විය හැකියි. ආතතිය ඇතිවීමට බලපාන හේතු සාධකයන් පිළිබඳව සලකා බැලීමේදී එම හේතුන් පුද්ගලගෙන් පුද්ගලයට වෙනස් විය හැකි බවත් ඒවා හඳුනාගැනීමේ අපහසුතා පවතින බවත් හඳුනාගෙන ඇත. කෙසේ වෙතත් පුද්ගලයෙකුට පවතින විවිධ ජිවන ගැටළු, රෝග තත්ත්වයන්, ආර්ථික ගැටළු, පවතින සබඳතා ආශ්‍රිත ගැටළු ආතතිය ඇති කිරීමට මුල්වන පොදු කරනා කිහිපයකි. ඉගෙනීම් කටයුතු වල දී සිටින අතරුන තරුණියන්ට ඉගෙනීම් ගැටළු, විභාග, පැවරුම් කටයුතු, තරගකාරිත්වය සමාජයෙන් ඇතිවන විවිධ බලපෑම් මෙයට හේතු වේ. මෙවැනි තත්ත්වයන් සියදිවිනසා ගැනීම් දක්වා බලපෑම්කාරී විය හැකියි.
ආතතිය මානසික රෝගයක් ලෙස හැඳින්වුවද එය යම් ප්‍රමාණයකට ප්‍රයෝජනවත් වන අවස්ථාද පවතී. පුද්ගලයෙකුට ක්‍රියාශීලිව මානසික එකග්රතාවයෙන් යුතුව ක්‍රියා කිරීමටත්, පරික්ෂකරිව හා උද්යෝගිමත්ව කටයුතු කිරීමටත් අවශ්‍ය සහය ලබාදෙන්නේ ආතතිය මගින් බව ඔබ දන්නවද? එහි දී ඔබගේ ශරීරයේ කොටිසොල් (Cortisol), අඩ්රිනලින්(Adrenaline), සහ නොරද්රිනලින් (Noradrenaline) යන හෝමෝනයන් වැඩිපුර ශ්‍රාවය වී රුධිරයට එකතු වීම නිසා එමගින් මානසික පීඩනය සහ අවධානම මත කටයුතු කිරීමට ශරීරය හැඩගැස්වයි.

නමුත් දිගින් දිගටම මානසික ආතතියෙන් පෙළෙන්නේ නම් එය ශරීරයේ රෝග ලක්ෂණ වලට හේතුවේ. එසේ ඇතිවන දිගු කාලින මානසික ආතතිය නිසා අධික රුධිර පීඩනය, අංශභාගය, හදවත් රෝග,දියවැඩියාව, ගැස්ට්‍රිටිස් සහ ආමාශගත තුවාල, විශාදය, අසාමාන්‍ය බිය, ප්‍රතිශතය අඩු වීම, ලිංගාශ්‍රිත රෝග ආදී දිගු කාලින රෝග තත්ත්වයන්ට හේතු පාදක වෙයි. මෙවැනි රෝගී තත්ත්වයන් නිසා මානසික ආතතිය මාරාන්තික විය හැකියි. අතතියේදී රුධිරයට එකතුවන කොටිසොල් හෝමෝනය යම් ප්‍රමාණයකට වාසි ඇති කරන අතරම දිගුකාලීනව එය අයහපත් ප්‍රතිපල ගෙන එයි. කෙටිකාලීනව රුධිරයේ කොටිසෝන් මට්ටමේ ඉහළ යාමේ ප්‍රතිපලයක් ලෙස කෙටිකාලීන මතකය වැඩි දියුණු වීම, ප්‍රතිශක්තිය වැඩි වීම, ශරීර වේදනාවල සංවේදීතාවන් අඩු කිරීම, රුධිර පීඩනය පාලනය කිරීම, ශක්තිය වැඩි කිරීම සිදුවේ.නමුත් දිගු කාලීනව රුධිර කොටිසොල් මට්ටම ඉහළ අගයක් ගැනීමෙන් අතුරු ආබාධ හැ සංකුලතා ඇතිවීමට මගපාදයි. මෙය තරබාරුකම ඇතිවීමට ද හේතුවකි. තරබාරු බව නිසා උදරයේ මේදය තැන්පත් වීම, කොලෙස්ටරෝල් තැන්පත් වීම නිසා රුධිර නාල සිහින් වීම මේ හේතුවෙන් හදවත් රෝග වලදිමටද ඉඩකඩ ඇත.

මෙලෙස නොයෙකුත් හේතුන් නිසා දිගුකාලින මානසික ආතතිය ඉතා මාරාන්තික තත්ත්වයකි. මේ නිසා මානසික ආතතිය පාලනය කර ගත යුතුයි.දෙනික ජීවිතයේදී ඔබට නිත මනසට වදදෙන ක්‍රියාවන් හා සිතුවිලි පාලනය කරගැනීම හා ආතතියට හේතුවන ගැටළු වෙනස් කර ගැනීමටත්, එවැනි ආකාරයේ අවස්ථාවන්ට ප්‍රතිචාර දක්වන ක්‍රමවේදය වෙනස් කරගැනීමටත් ඔබට හැකියාව පවතින්නේ නම් ආතතිය නිසිලෙස පාලනය කල හැකිය. බොහෝ දෙනෙක් මානසික ආතතිය පාලනය කරගැනීමට යොදාගන්නේ සෞඛ්‍ය සම්පන්න නොවන උපායමාර්යි. දුම්පානය, මත්පැන්, මත්ද්‍රව්‍ය භාවිතා කිරීම, සමාජයෙන් හුදෙකලා වීමට පුරුදු වීම, අධික ලෙස ආහාර ගැනීම හෝ අධික ලෙස නිදාගැනීම අඩිය එවැනි අයහපත් ක්‍රමවේදයන්ය. සමහර පුද්ගලින් සියදිවි නසගනිමට පවා පෙළඹෙන්නේ මෙවැනි අහිතකර ක්‍රමවේද ආතතිය පාලනයට යොදා ගැනීම නිසයි.

මානසික ආතතියට මුහුණ දීමට අවශ්‍ය ශක්තිය ලැබෙන ක්‍රියාකාරකම් සඳහා යොමු වීමෙන් එය ඇතිවීම මගහරවා ගැනීමට හැකියාව ඇත. ප්‍රයෝගිකව ඔබගේ මනස ලිහිල් කරන විනොදන්ෂවලට කාලය වෙන්කරවා ගැනීම ආතතිය පාලනය කිරීමට උපයෝගී කරගත හැකිය. පිහිනීම, බයිසිකල් පැදීම, සංගීතය රස විදීම, පොත් කියවීම ආදී විනෝදාංශ ඔබේ මනස නිරවුල් කරයි. එමෙන්ම තමාට ළඟාවිය හැකි ඉලක්ක පමණක් ලඟාකරගැනීමට උත්සහ කල යුතුයි. ක්ෂණික කෝපය නිසා  ඔබගේ ආතතිය තව තවත් වැඩිදියුණු  වන බැවින් එවැනි අවස්ථාවන්ට මුහුණ දීමට ආගමික නැඹුරුව වැදගත් වේ. භාවනාව,ශ්වසන ව්‍යායාම වැනි ක්‍රම මගින් ඔබේ මනස ලිහිල් කර ගැනීමය හැකියාව පවතී. මෙවැනි මානසික ආතතිය පාලනය කරන උපක්‍රමයන් යොදාගනිමින්, මානසික අතතියේ පීඩනයෙන් මිදී නිරෝගිමත් තෘප්තිමත් ජිවිතයක් ගත කිරීමට අවශ්‍ය මානසික ශක්තිය වර්ධනය කරගන්න.

වත්මනේ හිස ඔසවන දන්ත රෝග

මිනිසෙකුගේ සුන්දරත්වය සඳහා ආකර්ෂණීය සිනාවෙන් ලැබෙන්නේ අසීමිත පිටිවහලක්. කෙනෙකුට සුන්දර පියකරු සිනහවකින් තවත් කෙනෙකුට සංග‍්‍රහ කිරීමට හැකියාව ලැබෙන්නේ නීරෝගි දත් දෙපළකිනි. දත් නරක් වී විවිධ දන්ත රෝගවලින් පෙළෙන්නේ නම් විවිධ අවස්ථාවලදී ඔබ අපහසුතාවට ලක් වීමට ඉඩ ඇත. මේ නිසා මුඛ සෞඛ්‍ය යහපත්ව පවත්වාගෙන යාම ඉතාම වැදගත් වේ. 

මිනිස් මුඛයේ සුලබව දකින්නට ලැබෙන රෝගී තත්ත්වයන් කීපයකි.

(1* මුඛ පිළිකා 

(2* මුඛයේ ආසාදන තත්ත්ව 

(3* විදුරුමසේ ඇතිවන රෝග 

(4* දත් කුහර ඇතිවීම

(5* දත් දිරායාම

වර්තමානයේ වැඩිපුරම කතාබහට ලක් වන්නේ මුඛ පිළිකා ගැනයි. මෙම රෝග තත්ත්වය මුල් අවස්ථාවේදීම හඳුනාගෙන ප‍්‍රතිකාර නොකිරීමෙන් එය තවදුරටත් පැතිරීමට, දිගුකල් වේදනා ගෙන ඒමට මෙන්ම අවසානයේදී මරණයට පවා හේතු විය හැකිය. දිව, මුඛයේ පතුල, මෘදු තල්ල, තොල්, විදුරුමස හා දිවේ පිටුපස යන ප‍්‍රදේශ වඩාත්ම මුඛ පිළිකාවට භාජනය විය හැකි ප‍්‍රදේශයි. 

පිරිමි පාර්ශ්වයට මෙන්ම වයස්ගත පුද්ගලයන්ට මුඛ පිළිකා අවදානම වැඩි බවක් දක්නට ලැබේ. සිගරට්, සුරුට්ටු, පයිප්ප හෝ බීඩි ලෙස දුම්පානය, බුලත්විට සමඟ හෝ බුලත්විට නොමැතිව කරන දුම්කොළ සැපීම, දුම් කුඩු ඉරීම යන කුමන ආකාරයකට ඇබ්බැහි වුවද මුඛ පිළිකා ඇතිවීමට හේතු කාරක වශයෙන් සැලකේ.  

මුඛයේ ආසාදන තත්ත්වයක් ඇති වන්නේ මුඛය තුළ දිලීර, බැක්ටීරියා, වෛරස් වල ක‍්‍රියාකාරීත්වයක් ඇති කිරීම නිසායි. මේ නිසා මුඛය තුළ තුවාල ද ඇති කරයි. මුඛයේ තුවාල හට ගැනීම විශේෂයෙන්ම අවුරුදු 16 x -25 අතර වයස් කාණ්ඩයේ පුද්ගලයන් අතර සුලභ වේ. HIV ආසාදිතයන්ගෙන් හරි අඩකට වඩා මුඛයේ දිලීර, බැක්ටීරියා හෝ වෛරස් ආසාදිත පුද්ගලයින් වන බව දැනට සොයාගෙන ඇත. මුඛ සෞඛ්‍ය පිළිබඳව සැලකිලිමත් නොවුවහොත් එය හෘද රෝග, පිළිකා, නිදන්ගත ශ්වසන රෝග සහ දියවැඩියා වැනි රෝග ද ඇතිවීමට වැඩි අවදානමක් ඇත.

මැදි වයසේ පුද්ගලයන් 15 x -20% අතර ප‍්‍රතිශතයක් දරුනු විදුරුමස් රෝගී තත්ත්වයන් හේතුවෙන් පීඩා විඳී. ප‍්‍රතිකාර ලබා නොගතහොත් විදුරුමස් දියවී යාමටද ලක්විය හැකිය. විදුරුමස් ආශි‍්‍රත ව රෝග ඇතිවීමට බලපාන ප‍්‍රධාන හේතුව වන්නේ දන්ත පථ ඇති වීමයි. මෙය විදුරුමස අශි‍්‍රතව ඇතිවන පටලයකි. විදුරුමස් රෝග ඇති වූ විට විදුරුමස් වලින් රුධිරය වහනය වීමත්, විදුරුමස ඉදිමීමටත්, දත් බුරුල් වීමටත් පටන්ගනී. අවසානයේ දී අකලට දත්්හැලීමට ප‍්‍රධාන හේතුව වන්නේ මෙම රෝගී තත්ත්වයයි.

නියමිත ලෙස දත් පිළිබඳව සැලකිලිමත් නොවීම නිසා ලෝකයේ 60x90% පමණ පාසල් යන වයසේ පසුවන සිසුන් මෙන්ම වැඩිහිටියන් අතර ද දත් කුහර ඇතිවීමේ රෝගී තත්ත්වය බහුලව දක්නට ලැබේ. මුඛ කුහරය ආශ‍්‍රිතව අඩු ෆ්ලෝරයිඞ් සාන්ද්‍රණයක් පවත්වා ගැනීමෙන් දත් කුහර ඇතිවීම වළක්වා ගත හැකි වේවි.

දත් දිරායාම ද අද මුඛය අශි‍්‍රතව ඇති සුලභ රෝගයකි. දත් දිරායාමට මුල්වන්නේ නිතර නිතර ගන්නා පැණි රස ආහාරපානයි. මේ නිසා දිරායාමෙන් වැළකීමට කළයුතු හො`දම උපක‍්‍රමය වන්නේ සීනි අඩංගු ආහාර පාන අවම කිරීමයි. දතක් දිරීමට අරම්භ වන්නේ දත මතුපිට තිබෙන ආම්ලිකතාවය වැඩි වූ විටයි. ෆ්ලෝරයිඞ් සහිත දන්තාලේපයක් භාවිත කිරීමෙන් මෙම තත්ත්වය මඟ හරවාගත හැකිය.

සාර්ථක දිවියකට ධනාත්මක සිතුවිලි..

තරගකාරී ලෝකයේ ඔබ අප සියලූදෙනාගේ ම අපේක්ෂාව වන්නේ සතුටින් ජිවත් වීමට සුදුසු පරිසරයක් නිර්මාණය කර ගැනීමටයි. මේ නිසා මිනිසා ජිවන තත්ත්වය උසස් මට්ටමක් දක්වා ගෙනයාමට විවිධ වැර වෑයම් දරයි. ඒ අතර ඇතැමෙකු ජිවත් වීමට උත්සහ කරයි. තවත් පිරිසක් ව්‍යාපාර කටයුත්තක් මහා පරිමාණ ලෙස ආරම්භ කර සේවකයින් ද විශාල සංඛ්‍යාවක් සේවයෙහි යොදවමින් ව්‍යාපාරික කටයුතු පවත්වාගෙන යයි. තවත් පිරිසක් කිසිදු ආර්ථික කටයුත්තක නොදී සිඟමන් යදිති.

මිනිසුන් මෙලෙස වෙනස් වන්නේ ජිවින අරගලය ජය ගැනීමට දරනු ලබන උත්සාහයන් මත මිස කිසිවෙකුත් ඒ තුලින් ඔහු අසාර්ථක ද යන්න වෙන් කර දැක්විය නොහැකිය. ඔවුන්ගේ ක‍්‍රියාකලාපය වෙනස් වන්නේ ඔවුන් දරන්නාවූ අකල්පමතයි. මෙම ආකල්ප පුද්ගලයෙකු තුල ධනාත්මක මෙන්ම රිනාත්මක ආකල්පයකින් යම් කටයුත්තක් ඇරඹීමෙන් කිසිම විටෙකත් එම කාර්යය සාර්ථකභාවයට පත් නොවේ. යම් කටයුත්තක් ආරම්භ කිරීමට ප‍්‍රථම ඒ පිලිබඳ දැඩි විශ්වාසයකින් හැ උනන්දුවකින්, නිවැරදිව සැලසුම්සහගතව ආරම්භ කරන  ඕනෑම කර්තව්‍යක් සාර්ථකවේ. ඒ සඳහා අවශ්‍යවන්නේ ධනාත්මකව සිතීමයි. තමාගේ කාර්යය නිර්මනශිලිව ඵලදායිව ඉටු කරගන්නේ කෙසේද යන්න සිතීම මෙහි දී මුලිකවනු ඇත.

ධනාත්මක චින්තනය යනු ජිවිතයේ කුමන අවස්ථාවකදී වුවද ඒ දෙස සුභාවදිව බැලීමයි. උදාහරණයක් ලෙස යම්කිසි කෙනෙකු තීරණාත්මක විභාගයකින් අසමත් වූවායැයි සිතන්න. එවැනි විටක දී බොහෝ දෙනෙක් කරනුයේ ඒ පිළිබඳව සිත සිතා ලතවිමයි.අවසානයේ දී ජිවිත හානි කර ගැනීම් සිදුවන්නේද මෙම ලතවීම් හේතුවෙනි. සත්‍ය වශයෙන්ම එවැනි ජීවිතය අසාර්ථක වූ තැන් පිළිබඳව කල්පනා කර කර සිටීමෙන් සිදුවන්නේ තමන්ගේ වටිනා කාලය අපතේ යැවීමයි.ඒවගේමයි ඉදිරි කාර්යයන් සඳහා ද ඔබ නිරායාසයෙන් ම දුර්වලවිමයි. යම් හෙයකින් ඔබ විභාගය අසමත් වුයේ නම්, නැතිනම් ඔබ සිත සිටි අන්දමින් විභාගයට මුහුණදීමට නොහැකි වුයේ නම් ඉදිරියට ඔබ කලයුතුවන්නේ ඔබේ හැකියාවන් මත දක්ෂතාවයන් මත ඔබට ජීවිතය ජය ගැනීමට සුදුසු මාර්ගයක ගමන් කිරිමට උත්සහ කිරීමයි, 

ධනාත්මක චින්තනය නැතිනම් සුභවාදී ආකල්ප මිනිසාට උපකරිවන්නේ ජීවිතය ජයගනිමටයි.

ඉගෙනගන්න වයසේ සිටින සිසුන් තුල දකින්නට ලැබෙන අයහපත් සිතිවිල්ලක් තමයි ” මට මේක කරන්න බෑ ” මේක හරියන්නේ නෑ ” කොච්චර මහන්සිවුනත් ප‍්‍රතිපලයක් නෑ ” ආදී වශයෙන් වූ මතයන් වල එලිබසිටීම.මෙවැනි දුර්මත වලින් මිදී යහපත් සිතුවිලි වර්ධනය කර ගනිමින් තමාගේ කටයුතු සාර්ථක කරගන්නේ කොහොමද?

මුලින්ම ඔබ සිතිය තුත්තේ තමන් ස්වාධින පුද්ගලයෙකු ලෙසටයි. අද බොහෝ දෙනෙකුට පවතින ගැටළුවක් තමයි තාමත් අනාගතයේ දී ලන්ගාවිමට හැකි ඉලක්කයක් අරමුණක් නොමැතිවීම.මේ නිසා තමා කල යුත්තේ කුමක්ද නොකළ යුත්තේ කුමක්ද යන්න අද බොහෝදෙනෙක්ට හරි හැටි වැටහීමක් නොමැත. විශේෂයෙන් ම පාසල් යන වයසේ දරුවෙකුට කුඩා අවදියේ දී ඇතිවන ”මම වයිද්යවරයෙක් වෙනවා” මම ඉංජිනේරුවරයෙක් වෙනවා” යන හැගීම් පසු කාලයේදී වියැකී යන බව දක්නට ලැබේ. බය තරහව, පාළුව, තනිකම මුල් කර ගනිමින් ඇතිවන සිතුවිලි ඔබව නොමඟ යවන ක‍්‍රියාකලාපයන්ට යොමුවීමට ඉඩ නොදෙන්න.හැමවිටම මට මේ වැඬේ කරන්න පුළුවන්. මට මේ තැනට යන්න පුළුවන් ලෙස සිතීමෙන් ඔබේ අරමුණු ජයගැනීමට උත්සහවන්ත වන්න. 

හැමවිටම සුභවාදී සිතුවිලින්වලට ඔබේ සිත නිරාවරණය කරන්න.ඉගෙනීම් කටයුතුවලදී ගුරුවරුන් ලබාදෙන අභියෝගය සතුටු සිතින් භාර ගැනීමට හැකියාව පවතී නම් එය ඔබ ලබන ජයග‍්‍රහණයකි.යම් කාර්යභාරයක් ආරම්භ කිරීමට පෙර සිටම ”අනේ මට මේ වැඬේ කරන්න බැහැ” වැනි අසුභවාදී වචන වලින් දුරස් වී ” මේ වැඬේ මට හැකි උපරිමයෙන් කරනවා”යන හැඟීමෙන් යුතුව වැඩ කරන්න පටන් ගන්න.අදට කටයුත්ත ආරම්භයේ මෙන්ම වැඩෙහි නිරත වන අතරතුරේ දී ද, අවසානය දක්වාද මෙම සුබවාදී සිතුවිල්ල පවත්වාගෙන යාමෙන් නියත වශයෙන්ම ඔබට සාර්ථක ප‍්‍රතිපල අත්කර දෙනු ලබයි.සමහර අවස්ථාවලදී ඔබේ කරයුතු අතරතුරේදී විවිධ වූ,අවහිර බාධා ඇතිවන්නට පුළුවන්.  ඒ සැම අවස්ථාවලදීම නොසැලී එම ගැටලූවලට විසදුම් සොයමින් උනන්දුවකින් හා විෂවාසයකින් කටයුතු කරන්න. ධනාත්මක සිතුවිලි තිබෙන කෙනෙකු අතින් වුවද යම් අත්වැරදීම්, අතපසුවීම් තිබෙන්නට පුළුවන්.වඩාත් වැදගත්වන්නේ එම වැරදි විශ්ලේෂණය කර බලමින් අතීතයෙන් පාඩම් ඉගෙන ගැනීමයි.

සැම දිනකම උදෙසන අවදිවන විට අද දිනය මට ප‍්‍රීතිමත් සාර්ථක දිනයක් වනවා යන සිතුවිල්ල ඇති කරගන්න. ඔබ විභාගයකට පාඩම් කරන සිසුවෙකු නම් එවැනි ප‍්‍රබෝධමත් සිතුවිල්ලකින් වැඩ කටයුතු ආරම්භ කිරීමට උත්සහ කරන්න. 

යථාර්තවාදීව සිතමින් ඔබ ඔබගැන විශ්වාසදායි සිතුවිලි ඇති කරගත යුතුයි. එසේ නොවන්නට ඔබේ අධ්‍යාපන ඉලක්ක පමණක්නොවේ  අනාගත ඉලක්ක සාර්ථක කරගැනීමට නොහැකි තත්ත්වකක් ඇතිවිය හැකියි. තමාට ලඟින් සිටින තමන්වත් විශ්වාස නැති විටෙකදී කටයුතු කරන්නේ කොහොමද? මේ නිසා ඔබ කෙරෙහි විශ්වාසය තැබීම වැදගත්.

එමෙන්ම ජිවිතයේ සේම කටයුත්තකදී ම ඔබ ගන්න තීරණ වෙනුවෙන් ඔබම නැගී සිටින්න.බොහෝදෙනේකු ගන්න තීරණ පිලිබඳ විශ්වාසයක් නොමැති වන්නේ මේවනතෙක් ගත්තු තීරණ වලින් යහපත් ප‍්‍රතිපලයක් ගෙන නොදුනු නිසාවෙනි.සිතෙහි දෙගිඩියාවෙන්,හිතුමනාපෙට ගන්නා තීරණ අපව හරිමගකට යොමු නොකරයි.අන් අයගේ කියුම් කෙරුම් වලට යට නොවී තමාට යහපත් තීරණයක් ස්වාධීනව සිතාබලා තීරණය කරන්න. ජිවිතයේ පරාජයන් හමුවේ බිය නොවී එය අත්දැකීමක් වශයෙන් අනාගත ජිවිතයට එක් කරගන්න.

සෑම ජිවිතයකම පරාජයන් ඇද වැටීම් බහුලයි. ලොව දිනු පුද්ගලයින්ගේ ජිවිත දෙස බැලූ විට පසක් වන්නේ ඔවුන්ගේ ජීවිතද අනන්තවත් ඇද වැටීම් වලින් බහුලවී ඇති බවයි. නමුන් අපට වඩා ඔවුන් වෙනස් වන්නේ ඔවුන් ඒ පරාජයන් මතින් නැගී සිට ජීවිතය දෙස ධනාත්මක ආකල්පයකින් බලා ජීවිතය ඉදිරියට ගෙන ගිය නිසාවෙනි.

ණයවෙන්නේ නැතුව ණයපතක් භාවිත කරමු

ක්‍රෙඩිට් කාඞ් භාවිතය නිසා අපේ එදිනෙදා ජිවිතයේ මුදල් ගනුදෙනු ඉතා පහසුවක් වෙලා තිබෙනවා. බොහෝ දෙනෙක් ඩෙබිට් කාඞ් භාවිත කළාට ක්‍රෙඩිට් කාඞ් ගැන ලොකු අවබෝධයක් නැහැ. ක්‍රෙඩිට් කාඞ් නැතිනම් ණයපත් භාවිතයට සමාජයේ කොටසක් තරමක බියක් ද දක්වනවා. ඒ කෙසේ වෙතත් ක්‍රෙඩිට් කාඞ් කියන්නේ ගොඩක් ප‍්‍රයෝජන ගන්න පුළුවන් දෙයක්. හරි විදියට පාවිච්චි කරනවා නම් විශාල වාසි අත්විඳින්නත් පුළුවන්.

ක්‍රෙඩිට් කාඞ්වල ආරක්ෂාව සහ පහසුව  මිනිස්සු එයට ආකර්ෂණය වෙන්න හේතුවක් වෙනවා. අපේ වැටුප වගේ කිහිපගුණයක මුදලක් අවශ්‍ය  ඕනෑම වෙලාවක වියදම සඳහා යොදාගත හැකිවීම ණයපතක් අපේ අතේ තිබීමෙන් අපට ලැබෙන ප‍්‍රයෝජනයයි. ක්‍රෙඩිට් කාඞ් එකකින් සිදු කරන්නේ බැංකුව මඟින් ක්‍රෙඩිට් කාඞ්පත් හිමියාට ණය මුදලක් ලබාදීමයි. ඒ ණය මුදල භාවිතයෙන්  ගෙවීමක් සිදු කර ඒ මුදල පොලියක් නැතිවම ගෙවන්න ඔබට අවස්ථාව ලැබෙනවා. උදාහරණයක් විදියට ඔබ ජනවාරි පළමුවෙනිදා යම් ගෙවීමක් කරලා භාණ්ඩයක් මිලදී ගන්නවා, මේ ගෙවීම ඔබේ බිලට එකතු වෙන්නේ ජනවාරි 21 වෙනිදායි. ඒ දිනයේ සිට තවත් මාසයක කාලයක් (දින 30ක්* කාලයක් ලැබෙනවා. එවිට ඔබට අමතර පොලියක් නොගෙවා දින 51ක ගෙවීම් සඳහා මුළු කාලසීමාවක් ලැබෙනවා. කාඞ්පතෙන් යම් භාණ්ඩයක් ගත් විට ඔබට කෙටි කාලපරිච්ෙඡ්දයකට ගෙවීම් සම්බන්ධයෙන් යම් සහනයක් දී තිබුණත් එය අවසන් වූ විගසම ඔබේ ණයට, පොලී එකතු වෙන්න පටන්ගන්නවා. ක්‍රෙඩිට් කාඞ්පත්වලට සෑහෙන ලොකු පොලියක් එකතු වන බවත් අමතක කරන්න එපා.

කොහොම වුණත්, ක්‍රෙඩිට් කාඞ්පතක් තිබීම ප‍්‍රයෝජනවත් විය හැකි බව නොකිවමනාය. හදිසි අවශ්‍යතාවක් පැන නඟින අවස්ථාවලදී හෝ අතේ මුදල් රැුගෙන යෑම ඒ තරම් සුදුසු නැති අවස්ථාවලදී එය විශේෂයෙන්ම ප‍්‍රයෝජනවත් වෙනවා. මෙය එක්සත් ජනපදයේ මෙන්ම වෙනත් රටවල වැසියන් අතර ක්‍රෙඩිට් කාඞ්පත් ජනප‍්‍රිය වීමට එක් හේතුවක්. නමුත් ක්‍රෙඩිට් කාඞ්පත ඥානවන්තව භාවිත නොකළොත්, ආර්ථිකමය වශයෙන් ගොඩ ඒමට බැරි උගුලකට අප හසු විය හැකියි.

අපි ලබාගන්න හැම ක්‍රෙඩිට් කාඞ් එකටම ගන්න කලින් වාර්ෂික සාමාජික ගාස්තුවක් ගෙවන්න  ඕනෙ. එය එක් එක්  බැංකුවේ  කාඞ් වර්ගය මත වෙනස් වෙනවා. මේ මුදල සාමාන්‍යයෙන් රුපියල් 750 සිට 5000ක් හෝ ඊට වැඩි වෙන්නත්  පුළුවනි. 

පොඩි ණය මුදලක් එක රැුයකින්ම විශාල එකක් බවට පත් විය හැකියි. වැඩි කල් නොගොස්, මාසිකව ඔබ ගෙවන අවම මුදල නිකම්ම පොලිය පියවීමක් බවට පත් වෙනවා. මෙවැනි මූල්‍යමය උගුලකට හසු නොවීම සඳහා ක්‍රෙඩිට් කාඞ්පත ඥානවන්තව භාවිත කිරීමට ගන්න  පියවර මොනවාද?

ඔබ ක්‍රෙඩිට් කාඞ්පතෙන් ගන්නා භාණ්ඩ සම්බන්ධයෙන්  හොඳ මතකයකින් සිටිය යුතුයි. මාසිකව ලැබෙන ප‍්‍රකාශනය දෙස සුපරීක්ෂාකාරිව බලමින් එහි යම් නොගෙවිය යුතු මුදලක් වැටී ඇද්දයි බලන්න. හැකි සෑම අවස්ථාවකදීම විශාල පොලියක් එකතු වීමට ඉඩ නොදී සම්පූර්ණ ණය මුදල එකවරම පියවන්න වෑයම් කරන්න.

මිතුරෙකුට වුණත් තම ක්‍රෙඩිට් කාඞ්පත භාවිතයට දෙන්න එපා. ක්‍රෙඩිට් කාඞ්පත අනිසි ලෙස භාවිත කළොත් අමාරුවේ වැටෙන්නේ අයිතිකරු මිසක් වෙන කිසිවෙක් නොවෙයි. 

ක්‍රෙඩිට් කාඞ්පතකින් යම් භාණ්ඩයක් ගත් විට, කාසි හා නෝට්ටු භාවිත නොකළත් ඔවුන් ඇත්තෙන්ම වැය කරන්නේ මුදල් බව  මතක තබාගන්න. ණය සීමාව තමන්ගෙ පඩිය වගේ දෙගුණයක් වුණාට උපරිම විදියට පඩියෙන් බාගයක් ක්‍රෙඩිට් කාඞ් එකෙන් වියදම් කරන්න පුළුවන් නම් හුඟත් හොඳයි. ණය පියවන දිනය ඔබේ අතේ මුදල් රැුඳෙන දිනයකට යොදාගන්න. ක්‍රෙඩිට් කාඞ් එකේ උපරිම වාසිය ලැබෙන්නේ ණය පියවන දිනයටම මුදල් ගෙවනවා නම් විතරයි. ඒ දිනය හිතේ තියාගෙන වැඩ කරන්න.

අමතර පොලී වලින් වැළකෙන්න නම්  කවදාවත් අඩුම මුදල ගෙවන්න එපා. හැකි හැම විටම මුළු මුදලම ගෙවන්න. හැකි හැමවිටම මුදල් භාවිත කරන්න.

ඔබට දැන් ක්‍රෙඩිට් කාඞ්පතක් තිබෙනවා නම්, එහෙමත් නැත්නම් ළඟදීම එකක් ලබාගැනීමට ඔබ තීරණය කර තිබෙනවා නම්, එයින් අත් කරගත හැකි ප‍්‍රයෝජන මෙන්ම එයින් ඇති විය හැකි අවාසි ගැනද හොඳ අවබෝධයක් ඇතුව සිටින්න