වත්මනේ හිස ඔසවන දන්ත රෝග

මිනිසෙකුගේ සුන්දරත්වය සඳහා ආකර්ෂණීය සිනාවෙන් ලැබෙන්නේ අසීමිත පිටිවහලක්. කෙනෙකුට සුන්දර පියකරු සිනහවකින් තවත් කෙනෙකුට සංග‍්‍රහ කිරීමට හැකියාව ලැබෙන්නේ නීරෝගි දත් දෙපළකිනි. දත් නරක් වී විවිධ දන්ත රෝගවලින් පෙළෙන්නේ නම් විවිධ අවස්ථාවලදී ඔබ අපහසුතාවට ලක් වීමට ඉඩ ඇත. මේ නිසා මුඛ සෞඛ්‍ය යහපත්ව පවත්වාගෙන යාම ඉතාම වැදගත් වේ. 

මිනිස් මුඛයේ සුලබව දකින්නට ලැබෙන රෝගී තත්ත්වයන් කීපයකි.

(1* මුඛ පිළිකා 

(2* මුඛයේ ආසාදන තත්ත්ව 

(3* විදුරුමසේ ඇතිවන රෝග 

(4* දත් කුහර ඇතිවීම

(5* දත් දිරායාම

වර්තමානයේ වැඩිපුරම කතාබහට ලක් වන්නේ මුඛ පිළිකා ගැනයි. මෙම රෝග තත්ත්වය මුල් අවස්ථාවේදීම හඳුනාගෙන ප‍්‍රතිකාර නොකිරීමෙන් එය තවදුරටත් පැතිරීමට, දිගුකල් වේදනා ගෙන ඒමට මෙන්ම අවසානයේදී මරණයට පවා හේතු විය හැකිය. දිව, මුඛයේ පතුල, මෘදු තල්ල, තොල්, විදුරුමස හා දිවේ පිටුපස යන ප‍්‍රදේශ වඩාත්ම මුඛ පිළිකාවට භාජනය විය හැකි ප‍්‍රදේශයි. 

පිරිමි පාර්ශ්වයට මෙන්ම වයස්ගත පුද්ගලයන්ට මුඛ පිළිකා අවදානම වැඩි බවක් දක්නට ලැබේ. සිගරට්, සුරුට්ටු, පයිප්ප හෝ බීඩි ලෙස දුම්පානය, බුලත්විට සමඟ හෝ බුලත්විට නොමැතිව කරන දුම්කොළ සැපීම, දුම් කුඩු ඉරීම යන කුමන ආකාරයකට ඇබ්බැහි වුවද මුඛ පිළිකා ඇතිවීමට හේතු කාරක වශයෙන් සැලකේ.  

මුඛයේ ආසාදන තත්ත්වයක් ඇති වන්නේ මුඛය තුළ දිලීර, බැක්ටීරියා, වෛරස් වල ක‍්‍රියාකාරීත්වයක් ඇති කිරීම නිසායි. මේ නිසා මුඛය තුළ තුවාල ද ඇති කරයි. මුඛයේ තුවාල හට ගැනීම විශේෂයෙන්ම අවුරුදු 16 x -25 අතර වයස් කාණ්ඩයේ පුද්ගලයන් අතර සුලභ වේ. HIV ආසාදිතයන්ගෙන් හරි අඩකට වඩා මුඛයේ දිලීර, බැක්ටීරියා හෝ වෛරස් ආසාදිත පුද්ගලයින් වන බව දැනට සොයාගෙන ඇත. මුඛ සෞඛ්‍ය පිළිබඳව සැලකිලිමත් නොවුවහොත් එය හෘද රෝග, පිළිකා, නිදන්ගත ශ්වසන රෝග සහ දියවැඩියා වැනි රෝග ද ඇතිවීමට වැඩි අවදානමක් ඇත.

මැදි වයසේ පුද්ගලයන් 15 x -20% අතර ප‍්‍රතිශතයක් දරුනු විදුරුමස් රෝගී තත්ත්වයන් හේතුවෙන් පීඩා විඳී. ප‍්‍රතිකාර ලබා නොගතහොත් විදුරුමස් දියවී යාමටද ලක්විය හැකිය. විදුරුමස් ආශි‍්‍රත ව රෝග ඇතිවීමට බලපාන ප‍්‍රධාන හේතුව වන්නේ දන්ත පථ ඇති වීමයි. මෙය විදුරුමස අශි‍්‍රතව ඇතිවන පටලයකි. විදුරුමස් රෝග ඇති වූ විට විදුරුමස් වලින් රුධිරය වහනය වීමත්, විදුරුමස ඉදිමීමටත්, දත් බුරුල් වීමටත් පටන්ගනී. අවසානයේ දී අකලට දත්්හැලීමට ප‍්‍රධාන හේතුව වන්නේ මෙම රෝගී තත්ත්වයයි.

නියමිත ලෙස දත් පිළිබඳව සැලකිලිමත් නොවීම නිසා ලෝකයේ 60x90% පමණ පාසල් යන වයසේ පසුවන සිසුන් මෙන්ම වැඩිහිටියන් අතර ද දත් කුහර ඇතිවීමේ රෝගී තත්ත්වය බහුලව දක්නට ලැබේ. මුඛ කුහරය ආශ‍්‍රිතව අඩු ෆ්ලෝරයිඞ් සාන්ද්‍රණයක් පවත්වා ගැනීමෙන් දත් කුහර ඇතිවීම වළක්වා ගත හැකි වේවි.

දත් දිරායාම ද අද මුඛය අශි‍්‍රතව ඇති සුලභ රෝගයකි. දත් දිරායාමට මුල්වන්නේ නිතර නිතර ගන්නා පැණි රස ආහාරපානයි. මේ නිසා දිරායාමෙන් වැළකීමට කළයුතු හො`දම උපක‍්‍රමය වන්නේ සීනි අඩංගු ආහාර පාන අවම කිරීමයි. දතක් දිරීමට අරම්භ වන්නේ දත මතුපිට තිබෙන ආම්ලිකතාවය වැඩි වූ විටයි. ෆ්ලෝරයිඞ් සහිත දන්තාලේපයක් භාවිත කිරීමෙන් මෙම තත්ත්වය මඟ හරවාගත හැකිය.

සාර්ථක දිවියකට ධනාත්මක සිතුවිලි..

තරගකාරී ලෝකයේ ඔබ අප සියලූදෙනාගේ ම අපේක්ෂාව වන්නේ සතුටින් ජිවත් වීමට සුදුසු පරිසරයක් නිර්මාණය කර ගැනීමටයි. මේ නිසා මිනිසා ජිවන තත්ත්වය උසස් මට්ටමක් දක්වා ගෙනයාමට විවිධ වැර වෑයම් දරයි. ඒ අතර ඇතැමෙකු ජිවත් වීමට උත්සහ කරයි. තවත් පිරිසක් ව්‍යාපාර කටයුත්තක් මහා පරිමාණ ලෙස ආරම්භ කර සේවකයින් ද විශාල සංඛ්‍යාවක් සේවයෙහි යොදවමින් ව්‍යාපාරික කටයුතු පවත්වාගෙන යයි. තවත් පිරිසක් කිසිදු ආර්ථික කටයුත්තක නොදී සිඟමන් යදිති.

මිනිසුන් මෙලෙස වෙනස් වන්නේ ජිවින අරගලය ජය ගැනීමට දරනු ලබන උත්සාහයන් මත මිස කිසිවෙකුත් ඒ තුලින් ඔහු අසාර්ථක ද යන්න වෙන් කර දැක්විය නොහැකිය. ඔවුන්ගේ ක‍්‍රියාකලාපය වෙනස් වන්නේ ඔවුන් දරන්නාවූ අකල්පමතයි. මෙම ආකල්ප පුද්ගලයෙකු තුල ධනාත්මක මෙන්ම රිනාත්මක ආකල්පයකින් යම් කටයුත්තක් ඇරඹීමෙන් කිසිම විටෙකත් එම කාර්යය සාර්ථකභාවයට පත් නොවේ. යම් කටයුත්තක් ආරම්භ කිරීමට ප‍්‍රථම ඒ පිලිබඳ දැඩි විශ්වාසයකින් හැ උනන්දුවකින්, නිවැරදිව සැලසුම්සහගතව ආරම්භ කරන  ඕනෑම කර්තව්‍යක් සාර්ථකවේ. ඒ සඳහා අවශ්‍යවන්නේ ධනාත්මකව සිතීමයි. තමාගේ කාර්යය නිර්මනශිලිව ඵලදායිව ඉටු කරගන්නේ කෙසේද යන්න සිතීම මෙහි දී මුලිකවනු ඇත.

ධනාත්මක චින්තනය යනු ජිවිතයේ කුමන අවස්ථාවකදී වුවද ඒ දෙස සුභාවදිව බැලීමයි. උදාහරණයක් ලෙස යම්කිසි කෙනෙකු තීරණාත්මක විභාගයකින් අසමත් වූවායැයි සිතන්න. එවැනි විටක දී බොහෝ දෙනෙක් කරනුයේ ඒ පිළිබඳව සිත සිතා ලතවිමයි.අවසානයේ දී ජිවිත හානි කර ගැනීම් සිදුවන්නේද මෙම ලතවීම් හේතුවෙනි. සත්‍ය වශයෙන්ම එවැනි ජීවිතය අසාර්ථක වූ තැන් පිළිබඳව කල්පනා කර කර සිටීමෙන් සිදුවන්නේ තමන්ගේ වටිනා කාලය අපතේ යැවීමයි.ඒවගේමයි ඉදිරි කාර්යයන් සඳහා ද ඔබ නිරායාසයෙන් ම දුර්වලවිමයි. යම් හෙයකින් ඔබ විභාගය අසමත් වුයේ නම්, නැතිනම් ඔබ සිත සිටි අන්දමින් විභාගයට මුහුණදීමට නොහැකි වුයේ නම් ඉදිරියට ඔබ කලයුතුවන්නේ ඔබේ හැකියාවන් මත දක්ෂතාවයන් මත ඔබට ජීවිතය ජය ගැනීමට සුදුසු මාර්ගයක ගමන් කිරිමට උත්සහ කිරීමයි, 

ධනාත්මක චින්තනය නැතිනම් සුභවාදී ආකල්ප මිනිසාට උපකරිවන්නේ ජීවිතය ජයගනිමටයි.

ඉගෙනගන්න වයසේ සිටින සිසුන් තුල දකින්නට ලැබෙන අයහපත් සිතිවිල්ලක් තමයි ” මට මේක කරන්න බෑ ” මේක හරියන්නේ නෑ ” කොච්චර මහන්සිවුනත් ප‍්‍රතිපලයක් නෑ ” ආදී වශයෙන් වූ මතයන් වල එලිබසිටීම.මෙවැනි දුර්මත වලින් මිදී යහපත් සිතුවිලි වර්ධනය කර ගනිමින් තමාගේ කටයුතු සාර්ථක කරගන්නේ කොහොමද?

මුලින්ම ඔබ සිතිය තුත්තේ තමන් ස්වාධින පුද්ගලයෙකු ලෙසටයි. අද බොහෝ දෙනෙකුට පවතින ගැටළුවක් තමයි තාමත් අනාගතයේ දී ලන්ගාවිමට හැකි ඉලක්කයක් අරමුණක් නොමැතිවීම.මේ නිසා තමා කල යුත්තේ කුමක්ද නොකළ යුත්තේ කුමක්ද යන්න අද බොහෝදෙනෙක්ට හරි හැටි වැටහීමක් නොමැත. විශේෂයෙන් ම පාසල් යන වයසේ දරුවෙකුට කුඩා අවදියේ දී ඇතිවන ”මම වයිද්යවරයෙක් වෙනවා” මම ඉංජිනේරුවරයෙක් වෙනවා” යන හැගීම් පසු කාලයේදී වියැකී යන බව දක්නට ලැබේ. බය තරහව, පාළුව, තනිකම මුල් කර ගනිමින් ඇතිවන සිතුවිලි ඔබව නොමඟ යවන ක‍්‍රියාකලාපයන්ට යොමුවීමට ඉඩ නොදෙන්න.හැමවිටම මට මේ වැඬේ කරන්න පුළුවන්. මට මේ තැනට යන්න පුළුවන් ලෙස සිතීමෙන් ඔබේ අරමුණු ජයගැනීමට උත්සහවන්ත වන්න. 

හැමවිටම සුභවාදී සිතුවිලින්වලට ඔබේ සිත නිරාවරණය කරන්න.ඉගෙනීම් කටයුතුවලදී ගුරුවරුන් ලබාදෙන අභියෝගය සතුටු සිතින් භාර ගැනීමට හැකියාව පවතී නම් එය ඔබ ලබන ජයග‍්‍රහණයකි.යම් කාර්යභාරයක් ආරම්භ කිරීමට පෙර සිටම ”අනේ මට මේ වැඬේ කරන්න බැහැ” වැනි අසුභවාදී වචන වලින් දුරස් වී ” මේ වැඬේ මට හැකි උපරිමයෙන් කරනවා”යන හැඟීමෙන් යුතුව වැඩ කරන්න පටන් ගන්න.අදට කටයුත්ත ආරම්භයේ මෙන්ම වැඩෙහි නිරත වන අතරතුරේ දී ද, අවසානය දක්වාද මෙම සුබවාදී සිතුවිල්ල පවත්වාගෙන යාමෙන් නියත වශයෙන්ම ඔබට සාර්ථක ප‍්‍රතිපල අත්කර දෙනු ලබයි.සමහර අවස්ථාවලදී ඔබේ කරයුතු අතරතුරේදී විවිධ වූ,අවහිර බාධා ඇතිවන්නට පුළුවන්.  ඒ සැම අවස්ථාවලදීම නොසැලී එම ගැටලූවලට විසදුම් සොයමින් උනන්දුවකින් හා විෂවාසයකින් කටයුතු කරන්න. ධනාත්මක සිතුවිලි තිබෙන කෙනෙකු අතින් වුවද යම් අත්වැරදීම්, අතපසුවීම් තිබෙන්නට පුළුවන්.වඩාත් වැදගත්වන්නේ එම වැරදි විශ්ලේෂණය කර බලමින් අතීතයෙන් පාඩම් ඉගෙන ගැනීමයි.

සැම දිනකම උදෙසන අවදිවන විට අද දිනය මට ප‍්‍රීතිමත් සාර්ථක දිනයක් වනවා යන සිතුවිල්ල ඇති කරගන්න. ඔබ විභාගයකට පාඩම් කරන සිසුවෙකු නම් එවැනි ප‍්‍රබෝධමත් සිතුවිල්ලකින් වැඩ කටයුතු ආරම්භ කිරීමට උත්සහ කරන්න. 

යථාර්තවාදීව සිතමින් ඔබ ඔබගැන විශ්වාසදායි සිතුවිලි ඇති කරගත යුතුයි. එසේ නොවන්නට ඔබේ අධ්‍යාපන ඉලක්ක පමණක්නොවේ  අනාගත ඉලක්ක සාර්ථක කරගැනීමට නොහැකි තත්ත්වකක් ඇතිවිය හැකියි. තමාට ලඟින් සිටින තමන්වත් විශ්වාස නැති විටෙකදී කටයුතු කරන්නේ කොහොමද? මේ නිසා ඔබ කෙරෙහි විශ්වාසය තැබීම වැදගත්.

එමෙන්ම ජිවිතයේ සේම කටයුත්තකදී ම ඔබ ගන්න තීරණ වෙනුවෙන් ඔබම නැගී සිටින්න.බොහෝදෙනේකු ගන්න තීරණ පිලිබඳ විශ්වාසයක් නොමැති වන්නේ මේවනතෙක් ගත්තු තීරණ වලින් යහපත් ප‍්‍රතිපලයක් ගෙන නොදුනු නිසාවෙනි.සිතෙහි දෙගිඩියාවෙන්,හිතුමනාපෙට ගන්නා තීරණ අපව හරිමගකට යොමු නොකරයි.අන් අයගේ කියුම් කෙරුම් වලට යට නොවී තමාට යහපත් තීරණයක් ස්වාධීනව සිතාබලා තීරණය කරන්න. ජිවිතයේ පරාජයන් හමුවේ බිය නොවී එය අත්දැකීමක් වශයෙන් අනාගත ජිවිතයට එක් කරගන්න.

සෑම ජිවිතයකම පරාජයන් ඇද වැටීම් බහුලයි. ලොව දිනු පුද්ගලයින්ගේ ජිවිත දෙස බැලූ විට පසක් වන්නේ ඔවුන්ගේ ජීවිතද අනන්තවත් ඇද වැටීම් වලින් බහුලවී ඇති බවයි. නමුන් අපට වඩා ඔවුන් වෙනස් වන්නේ ඔවුන් ඒ පරාජයන් මතින් නැගී සිට ජීවිතය දෙස ධනාත්මක ආකල්පයකින් බලා ජීවිතය ඉදිරියට ගෙන ගිය නිසාවෙනි.

ණයවෙන්නේ නැතුව ණයපතක් භාවිත කරමු

ක්‍රෙඩිට් කාඞ් භාවිතය නිසා අපේ එදිනෙදා ජිවිතයේ මුදල් ගනුදෙනු ඉතා පහසුවක් වෙලා තිබෙනවා. බොහෝ දෙනෙක් ඩෙබිට් කාඞ් භාවිත කළාට ක්‍රෙඩිට් කාඞ් ගැන ලොකු අවබෝධයක් නැහැ. ක්‍රෙඩිට් කාඞ් නැතිනම් ණයපත් භාවිතයට සමාජයේ කොටසක් තරමක බියක් ද දක්වනවා. ඒ කෙසේ වෙතත් ක්‍රෙඩිට් කාඞ් කියන්නේ ගොඩක් ප‍්‍රයෝජන ගන්න පුළුවන් දෙයක්. හරි විදියට පාවිච්චි කරනවා නම් විශාල වාසි අත්විඳින්නත් පුළුවන්.

ක්‍රෙඩිට් කාඞ්වල ආරක්ෂාව සහ පහසුව  මිනිස්සු එයට ආකර්ෂණය වෙන්න හේතුවක් වෙනවා. අපේ වැටුප වගේ කිහිපගුණයක මුදලක් අවශ්‍ය  ඕනෑම වෙලාවක වියදම සඳහා යොදාගත හැකිවීම ණයපතක් අපේ අතේ තිබීමෙන් අපට ලැබෙන ප‍්‍රයෝජනයයි. ක්‍රෙඩිට් කාඞ් එකකින් සිදු කරන්නේ බැංකුව මඟින් ක්‍රෙඩිට් කාඞ්පත් හිමියාට ණය මුදලක් ලබාදීමයි. ඒ ණය මුදල භාවිතයෙන්  ගෙවීමක් සිදු කර ඒ මුදල පොලියක් නැතිවම ගෙවන්න ඔබට අවස්ථාව ලැබෙනවා. උදාහරණයක් විදියට ඔබ ජනවාරි පළමුවෙනිදා යම් ගෙවීමක් කරලා භාණ්ඩයක් මිලදී ගන්නවා, මේ ගෙවීම ඔබේ බිලට එකතු වෙන්නේ ජනවාරි 21 වෙනිදායි. ඒ දිනයේ සිට තවත් මාසයක කාලයක් (දින 30ක්* කාලයක් ලැබෙනවා. එවිට ඔබට අමතර පොලියක් නොගෙවා දින 51ක ගෙවීම් සඳහා මුළු කාලසීමාවක් ලැබෙනවා. කාඞ්පතෙන් යම් භාණ්ඩයක් ගත් විට ඔබට කෙටි කාලපරිච්ෙඡ්දයකට ගෙවීම් සම්බන්ධයෙන් යම් සහනයක් දී තිබුණත් එය අවසන් වූ විගසම ඔබේ ණයට, පොලී එකතු වෙන්න පටන්ගන්නවා. ක්‍රෙඩිට් කාඞ්පත්වලට සෑහෙන ලොකු පොලියක් එකතු වන බවත් අමතක කරන්න එපා.

කොහොම වුණත්, ක්‍රෙඩිට් කාඞ්පතක් තිබීම ප‍්‍රයෝජනවත් විය හැකි බව නොකිවමනාය. හදිසි අවශ්‍යතාවක් පැන නඟින අවස්ථාවලදී හෝ අතේ මුදල් රැුගෙන යෑම ඒ තරම් සුදුසු නැති අවස්ථාවලදී එය විශේෂයෙන්ම ප‍්‍රයෝජනවත් වෙනවා. මෙය එක්සත් ජනපදයේ මෙන්ම වෙනත් රටවල වැසියන් අතර ක්‍රෙඩිට් කාඞ්පත් ජනප‍්‍රිය වීමට එක් හේතුවක්. නමුත් ක්‍රෙඩිට් කාඞ්පත ඥානවන්තව භාවිත නොකළොත්, ආර්ථිකමය වශයෙන් ගොඩ ඒමට බැරි උගුලකට අප හසු විය හැකියි.

අපි ලබාගන්න හැම ක්‍රෙඩිට් කාඞ් එකටම ගන්න කලින් වාර්ෂික සාමාජික ගාස්තුවක් ගෙවන්න  ඕනෙ. එය එක් එක්  බැංකුවේ  කාඞ් වර්ගය මත වෙනස් වෙනවා. මේ මුදල සාමාන්‍යයෙන් රුපියල් 750 සිට 5000ක් හෝ ඊට වැඩි වෙන්නත්  පුළුවනි. 

පොඩි ණය මුදලක් එක රැුයකින්ම විශාල එකක් බවට පත් විය හැකියි. වැඩි කල් නොගොස්, මාසිකව ඔබ ගෙවන අවම මුදල නිකම්ම පොලිය පියවීමක් බවට පත් වෙනවා. මෙවැනි මූල්‍යමය උගුලකට හසු නොවීම සඳහා ක්‍රෙඩිට් කාඞ්පත ඥානවන්තව භාවිත කිරීමට ගන්න  පියවර මොනවාද?

ඔබ ක්‍රෙඩිට් කාඞ්පතෙන් ගන්නා භාණ්ඩ සම්බන්ධයෙන්  හොඳ මතකයකින් සිටිය යුතුයි. මාසිකව ලැබෙන ප‍්‍රකාශනය දෙස සුපරීක්ෂාකාරිව බලමින් එහි යම් නොගෙවිය යුතු මුදලක් වැටී ඇද්දයි බලන්න. හැකි සෑම අවස්ථාවකදීම විශාල පොලියක් එකතු වීමට ඉඩ නොදී සම්පූර්ණ ණය මුදල එකවරම පියවන්න වෑයම් කරන්න.

මිතුරෙකුට වුණත් තම ක්‍රෙඩිට් කාඞ්පත භාවිතයට දෙන්න එපා. ක්‍රෙඩිට් කාඞ්පත අනිසි ලෙස භාවිත කළොත් අමාරුවේ වැටෙන්නේ අයිතිකරු මිසක් වෙන කිසිවෙක් නොවෙයි. 

ක්‍රෙඩිට් කාඞ්පතකින් යම් භාණ්ඩයක් ගත් විට, කාසි හා නෝට්ටු භාවිත නොකළත් ඔවුන් ඇත්තෙන්ම වැය කරන්නේ මුදල් බව  මතක තබාගන්න. ණය සීමාව තමන්ගෙ පඩිය වගේ දෙගුණයක් වුණාට උපරිම විදියට පඩියෙන් බාගයක් ක්‍රෙඩිට් කාඞ් එකෙන් වියදම් කරන්න පුළුවන් නම් හුඟත් හොඳයි. ණය පියවන දිනය ඔබේ අතේ මුදල් රැුඳෙන දිනයකට යොදාගන්න. ක්‍රෙඩිට් කාඞ් එකේ උපරිම වාසිය ලැබෙන්නේ ණය පියවන දිනයටම මුදල් ගෙවනවා නම් විතරයි. ඒ දිනය හිතේ තියාගෙන වැඩ කරන්න.

අමතර පොලී වලින් වැළකෙන්න නම්  කවදාවත් අඩුම මුදල ගෙවන්න එපා. හැකි හැම විටම මුළු මුදලම ගෙවන්න. හැකි හැමවිටම මුදල් භාවිත කරන්න.

ඔබට දැන් ක්‍රෙඩිට් කාඞ්පතක් තිබෙනවා නම්, එහෙමත් නැත්නම් ළඟදීම එකක් ලබාගැනීමට ඔබ තීරණය කර තිබෙනවා නම්, එයින් අත් කරගත හැකි ප‍්‍රයෝජන මෙන්ම එයින් ඇති විය හැකි අවාසි ගැනද හොඳ අවබෝධයක් ඇතුව සිටින්න

අධිවේගී මාර්ගයේ මෝටර් රථ ධාවනය කරන ඔබට..

ලංකාවට අධිවේගී මාර්ග හඳුන්වාදී කාලයක් ගතවුවත් මාර්ග නීති උල්ලංඝණය වීම් මෙන්ම, හදිසි අනතුරු බහුල වශයෙන් සිදුවේ. අධික වේගයෙන් රිය පැදවීම, අපරීක්ෂාකාරී රිය පැදවීම, වමෙන් නොපැදවීම, ආසන පටි නොපැළඳ ධාවනය කිරීම වැනි ක‍්‍රියා නිසා රියදුරන් විශාල ප‍්‍රමාණයක් අත්අඩංගුවට ගෙන ඇති බවද වාර්ථා වෙයි. ඉතා පහසුවෙන් ගමනාන්තය කරා ළඟාවීමට අද බොහෝ දෙනා භාවිතා කරන්නේ අධිවේගී මාර්ගයයි. මේ හේතුවෙන් අධිවේගී මාර්ගයේ රථ වාහන ධාවනය කරන ඔබ සැලකිලිමත් වියයුතු කරුණු කිහිපයක් පිළිබඳව මෙම ලිපියෙන් විමසා බලමු.

ඔබගේ වාහනය පැයට කිලෝමීටර් සියයයේ වේගයෙන් ධාවනය කළ නොහැකි තත්ත්වයක පවතින්නේ නම් වාහනය අධිවේගී මාර්ගයට ඇතුළු කිරීමෙන් වැළකීම වැදගත්. එනම් අධිවේගී මාර්ගයේ වාහනය ධාවනය කිරීමට පෙර ඔබේ වාහනය හොඳ කාර්මික තත්ත්වයක පවතීද නැද්ද යන්න පිළිබඳ දැන සිටිය යුතුයි. එය ඔබගේ ජීවියතට මෙන්ම තවත් ජීවිත කිහිපයකට පවතින අනතුරු අවධානම අවම කර ගැනීමේ මාර්ගයකි.

එමෙන්ම අධිවේගී මාර්ගය යනු ඔබගේ වාහනයේ තත්ත්වය උරගා බලන හෝ වේගයෙන් ධාවනය කළ හැකි ඔබගේ හැකියාවන් උරගා බලන ස්ථානයක් නොවේ. සාමාන්‍ය මාර්ගයකදී මෙන් නොව අධිවේගී මාර්ගයේදී වාහනය හැසිරවිය යුතු ආකාරය වෙනස් බව මතකතබා ගතයුතුයි. මාර්ගයේ සිදුවන යම් අවස්ථාවකට ප‍්‍රතික‍්‍රියා දැක්වීමට ඇති කාලය ඉතා සීමිත වෙයි. මේ නිසා ඉතා අවධානයෙන් යුතුව වාහනය ධාවනය කිරීම හදිසි අනතුරු වළක්වා ගැනීමට මගපාදයි.

අධිවේගී මාර්ගයේ ගමන් කරන විට වාහනයේ ඉදිරිපස දෙදෙනා මෙන්ම පිටුපස සිටින සියලූම දෙනා සීට් බෙල්ට් පැළදීම අනිවාර්යෙන් කරන්න. එමෙන් කුඩා දරුවන් රැුගෙන යන විටද විශේෂ සැලකිල්ලක් දැක්විය යුතුයි. ඔවුන් සඳහා සීට් බෙල්ට් හෝ බූස්ටර් සීට් (Booster Seat) පාවිච්චි කිරීම සුදුසු වෙයි. අධිවේගී මාර්ගයේදී දරුවන් උකුළ උඩ රැුගෙන යාමෙන්ද වැළකිය යුතුයි.

එමෙන්ම ඔබ ඉදිරියේ ඇති වාහනයක් ඉස්සර කිරීමට බලාපොරොත්තු වෙනවා නම් ඔබ භාවිතා කළ යුත්තේ වම්පස මංතීරුවයි. එසේ කිරීමෙන් ඔබට පිටුපස වාහනයට ඔබව පසුකර ගෙන යාමට දකුණු පස මංතීරුව භාවිතා කළ හැකිය.

ඉදිරියේ ඇති වාහනයක් ඉස්සර කිරීමට යාමේදී කළ යුතු පිළිවෙලක් පවතී. මුලින්ම ඔබ වාහනයේ දකුණට සිග්නල් දමා තත්පර තුනක් වම් මංතීරුවේ ධාවනය කරන්න. තත්පර තුනක සිග්නල් දැමීමේ කාලය ඇතුළත දී ඔබට පිටුපසින් දකුණු මාර්ගයේ වාහනයක ඔබට ඉස්සර කිරීමට පැමිණෙනවාදැයි බැලීමට හැකියාව ලැබෙයි. දකුණ මංතීරුවේ වාහන නොමැතිනම් ඔබගේ වාහනය දකුණු මාර්ගයෙන් ඉදිරියට ධාවනය කරන්න. ඔබ ඉස්සර කරනු ලැබූ වාහනයේ ඉදිරිපස ඔබගේ වාහනයේ පිටුපස බලන කණ්ණාඩියෙන් පෙනෙන තෙක් ඉදිරියට ගොස් වමට තත්පර තුනක් සිග්නල් කර වම් මංතීරුවට වාහනය ගන්න. මෙවැනි ආරක්ෂාකාරී පියවරක් අනුගමනය කිරීමෙන් රිය අනතුරු වළක්වා ගැනීමට හැකියාව ලැබෙයි.

අධිවේගී මාර්ගයේ වාහන ධාවනයේදී සැළකිලිමත් වියයුතු තවත් වැදගත් කරුණක් මේ ඔබගේ රථය සහ ඔබට ඉදිරියෙන් ඇතිි රථය අතර සෑම විටම තත්පර දෙකක දුරක් පවත්වාගෙන යාමයි. හදිසියේ ඉදිරි වාහනයේ වේගය බාල වුවහොත් ඒ සඳහා ප‍්‍රතිචාර දැක්වීමට පිටුපස ඇති ඔබේ වාහනයට ඇති තරම් වේලාවක් ලබා ගැනිීමට මෙමගින් හැකියාව ලබාදෙයි.

අධිවේගී මාර්ගයේදී ඔබගේ වාහනය කාර්මික දෝෂයකට ලක්වුවහොත්??? ධාවනය අතරතුර වාහනය නැවතුණහොත් වාහනය හැකි තරම් වමට ගෙන මාර්ගයෙන් අයින් කර තබා වාහනයටමවී සිටින්න. වාහනයේ හැසට් ලයිට් දල්වන්න. පාලන මධ්‍යස්ථානයට ඇමතීමට අවශ්‍ය නම් ඉක්මනින් එම කටයුත්ත ඉටුකර වාහනය තුළටම වී සිටිය යුතුයි. හුළං ගිය රෝද මාරු කිරීමට හෝ අනෙකුත් වාහන නැවැත්වීමට යාමෙන් වළකින්න. 

මෝටර් රථයේ අනාගතය...

අද ලෝකය විවිධාකාරයෙන් වෙනස්වීම්වලට භාජනය වේ. එදා පැවතුණු දෙය අද වෙනස්වන්නට ගත වන්නේ ඉතා කෙටි කාලයකි. අද සොබාදහම පවා ක‍්‍රමක‍්‍රමයෙන් වෙනස්වීම්වලට භාජනය වෙමින් පවතින්නකි. තාක්ෂණය ද එවැනි නිරන්තරයෙන් වෙනස් වන වැඩිදියුණු වන ක්‍ෂෙත‍්‍රයකි. 18 වන සියවසේ කාර්මික විප්ලවයත් සමඟ ඇති වූ මෙම තාක්ෂණික ප‍්‍රගමනයේ අනාගතය කිනම් ආකාරයකට වෙනස්වීමට ඉඩ ප‍්‍රස්ථාව පවතී ද යන්න සිතා ගත නොහැකි තරම්ය. තාක්ෂණය එතරම් ක්ෂණයකින් වෙනස් වන්නකි. 

වර්තමානයේ මෝටර් රථ තාක්ෂණය ද එවැනි වූ කැපී පෙනෙන වර්ධනයක් පෙන්නුම් කරයි. ගෝලීය වශයෙන් වැඩිදියුණු වන මෝටර් රථ නිෂ්පාදන තාක්ෂණයේ අලූත්ම පෙරළිය ලේසර් කිරණ බලයෙන් ජව ගැන්වෙන මෝටර් රථ තාක්ෂණයයි. චැජරල් 2 එක්ස් වීජිටී නම් වූ මෝටර් රථය නිෂ්පාදනය කිරීමට ඇමරිකාවේ චවර්ලට් මෝටර් රථ නිෂ්පාදන සමාගම සමත් වූවා. අධිවේගී මෝටර් රථ ධාවන තරගවල මෝටර් රථයක පෙනුම ගත් මෙම රථය සාමාන්‍ය මාර්ගයේ ධාවනය කළ හැකි වන පරිදි වෙනස් කිරීමට මෙම සමාගම කටයුතු කරයි. මෙම මෝටර් රථයේ සවි කර ඇති ලේසර් කිරණ ජනකයකින් අති ප‍්‍රබල ලේසර් ස්පන්්ද ද ජනනය කරවා අනතුරුව එම ස්පන්ද ආධාරයෙන් විශේෂ සුළං ජනක යන්ත‍්‍රයක් ක‍්‍රියාත්මක කරවා එයින් උපදින වේගවත් සුළං ධාරා උපයෝගී කරගෙන මෝටර් රථය ධාවනය කරවයි. මෙම සුළංජනක යන්ත‍්‍රයක් අශ්ව බල 900 ක බලයක් ලබාගත හැකි වන අතර මෝටර් රථය සැහැල්ලූ වීම නිසා එයට ක්ෂණික ත්වරණයක් ඇති කරයි. මෝටර් රථයේ රියැදුරාගේ ආසනය නිදා සිටින ඉරියව්වකින් සකස් කර ඇත. එමගින් සාමාන්‍ය අවස්ථාවකදී මෝටර් රථයට එක්කෙරෙන ආම්පන්න ප‍්‍රමාණය අඩු කරගෙන මෝටර් රථය ඉතා සැහැල්ලූ වෙන ලෙස නිර්මාණය කර ඇත. 

නුදුරු අනාගතයේදී මෝටර් රථ භාවිත කරන්නත් අතර විලාසිතාවක් බවට පත්වනු ඇතැයි විශ්වාස කෙරෙන්නේ ස්වයංක‍්‍රීය මෝටර් රථයි. (Self driving car) පරිගණක ගත කළ කැමරා GPS තාක්ෂණය, පරිසරය තේරුම් ගත හැකි සියුම් සංවේදක ආශ‍්‍රයෙන් මෙම මෝටර් රථ ක‍්‍රියාත්මක වේ. මෙම මෝටර් රථය සඳහා ඉන්ධන අවශ්‍ය නොවන අතර වැඩිපුරම විදුලි බලයෙන් ක‍්‍රියා කරයි. මෝටර් රථය නතර කර ඇති අවස්ථාවලදී ස්වයංක‍්‍රීයව මෝටර් රථය බැටරිය චාජ් කර ගනු ඇත. එමෙන්ම වාහනය ගාල් කිරීමට (parking) සුදුසු තැනක් සොයා  යාමටද අවශ්‍යතාවක් නොමැත. ස්වයංක‍්‍රීය මෝටර් රථය ඔබට අවශ්‍ය ස්ථානයට ගෙන ගොස් ස්වයංක‍්‍රීය වාහනය ගාල් කිරීමට සුදුසු තැනක් සොයා ගනී. සංඥාවක් යැවූ සැණින් නැවත ඔබ සිටින ස්ථානයට මෝටර් රථය පැමිණෙනු ඇත. විශේෂඥයින් පෙන්වා දෙන්නේ මෙම ස්වයංක‍්‍රීය මෝටර් රථ තාක්ෂණය වැඩිම වාසියක් අත්කර දෙන්නේ විවිධ ආබාධිත තත්ත්වයෙන් පීඩා විඳින පිරිසට බවයි. මොනම විදියක ශාරීරික ආබාධයකින් පීඩා වින්ද ද ඔවුන්ව නිරුපද්‍රිතව අවශ්‍ය ස්ථාන කරා ගෙන යාමේ පහසුකම මෙම ස්වයංක‍්‍රීය මෝටර් රථවලට ඇත. අද වන විට ලොව ප‍්‍රකට මෝටර් රථ සමාගම් ගණනාවක් ඇමරිකානු ඩොලර් මිලියන ගණනින් වූ අරමුදල් ස්වයංකී‍්‍රය මෝටර් රථ නිෂ්පාදන ව්‍යාපෘති වෙනුවෙන් වෙන් කිරීමට දැනටමත් කටයුතු සැලසුම් කර ඇත. නොදුරු අනාගතයේදී මෙම අපූර්ව වූ මෝටර් රථයට හිමිකම් කීමට ලොව පුරා ජනතාවට හැකියාව ලැබේවි. මෙම ස්වයංක‍්‍රීය තාක්ෂණය භාවිතයෙන් මිනිස් වැරදි හේතුවෙන් සිදුවන රථවාහන අනතුරු 95‍්‍ර කින් පමණ අවම කර ගැනීමට ද හැකියාව ලැබේ. 

විසි එක් වන ශත වර්ෂයේ මෝටර් රථයේ ඊළඟ විප්ලවීය පෙරළිය වන්නේ පියාසර මෝටර් රථයයි. 1940 දී හෙන්රි ෆෝඞ් විසින් දෙමුහුන් අහස් යාත‍්‍රා සහ මෝටර් රථ අනාගතයේ බිහි වන බවට අනාවැකි පළ කළ ද මෝටර් රථ පාරිභෝගිකයින්ට එය ප‍්‍රායෝගිකව සත්‍යක් නොවීය.Aero Mobil වැනි සුප‍්‍රකට මෝටර් රථ සමාගම් පියාසර මෝටර් රථය ප‍්‍රායෝගික ස්කෑන් කිරීමට විවිධ වූ ව්‍යාපෘති සැලසුම් පර්යේෂණ කරගෙන යයි.Aero Mobil සමාගමට අනුව පළමු පියාසර මෝටර් රථය ආසන දෙකකින් සමන්විත වන අතර එය මෝටර් රථයක් ලෙස මහා මාර්ගයේදී පැයට කිලෝමීටර 160 ක වේගයෙන් ධාවනය වන අතර අහස් යානයක් ලෙස ගුවනේදී පැයට කිලෝමීටර 200ක වේගයෙන් අහසේ පියාසර කරයි. නිවසේ ඇති ගරාජයක වුවද නවතා තැබීමට තරම් කුඩා වන එයට සාමාන්‍ය ඉන්ධනවලින් ධාවනය කළ හැකි වන අන්දමින් නිෂ්පාදනය වෙයි.  ඕනෑම කුඩා බිම් තීරුවක් මත බැස්සවීමට ද හැකියාව ඇති බැවින් එයටම වෙන් වූ ගුවන් යානා මංතීරු අවශ්‍ය නොවන බව මෙම සමාගම තවදුරටත් ප‍්‍රකාශ කරයි. 

වර්තමානයේ මෙවැනි පර්යේෂණ මට්ටමේ පවතින මෝටර් රථ තාක්ෂණය හේතුවෙන් අනාගතයේ සුපිරි මෝටර් රථයක අත්දැකීම විඳින්නට අපට ද හැකියාව ලැබෙනු නොඅනුමානයි.

ෂෙහානි ලියනආරච්චි